სტრუქტურა ხატვამდე
ლამაზი გვერდი არასწორი თანმიმდევრობით მაინც ვერ ყიდის. ჯერ ვწყვეტთ, რას ვეუბნებით ვის და რა რიგით, შემდეგ ვხატავთ.
2026 წლიდან
Pixely 2026 წელს დაარსდა. ვქმნით ლენდინგ გვერდებს, ვებგვერდებს და ციფრულ პროდუქტებს ქართული ბიზნესისთვის.
საიდან დავიწყეთ
Pixely იმ მარტივი დაკვირვებით დაიწყო, რომ ქართულ ბაზარზე ბევრი კარგი ბიზნესი ისეთ საიტს იყენებს, რომელიც მათ არ შეესაბამება. ან შაბლონია, რომელიც ათასჯერ გვინახავს, ან ლამაზი, მაგრამ ნელი გვერდი, რომელზეც ვერ ხვდები, სად უნდა დააჭირო.
ამიტომ ერთ საკითხზე გავაკეთეთ არჩევანი. ლენდინგ გვერდი ის ადგილია, სადაც დიზაინის ხარისხი პირდაპირ ციფრებში ჩანს: თუ სტრუქტურა სწორია, ტექსტი გასაგებია და გვერდი სწრაფად იხსნება, შედეგიც განსხვავებულია.
სტუდია 2026 წელს დაარსდა. გრძელი კლიენტების სია ჯერ არ გვაქვს და მოგონილს არ დავწერთ. სამაგიეროდ გვაქვს ხელობა, თანამედროვე ინსტრუმენტები, სტანდარტები, რომლებზეც არ ვთმობთ, და დრო, რომ თქვენს პროექტს რეალურად ჩავუღრმავდეთ.
ეს საიტი სწორედ ამიტომ არსებობს ასეთი. ის ჩვენი პორტფოლიოა: თუ მოგწონთ, როგორ გამოიყურება და რამდენად სწრაფად იხსნება, სწორედ ასეთ სამუშაოს მიიღებთ.
მისია
გვინდა, რომ ქართულ ბიზნესს ისეთი ვებგვერდი ჰქონდეს, რომლის ჩვენებაც არ რცხვენია და რომელიც რეალურ სამუშაოს ასრულებს.
დაარსდა2026
ფოკუსილენდინგ გვერდები
სამუშაო ენაქართული, English, სხვა
მიდგომა · 6
რისი გვჯერა, როცა ვმუშაობთ
ტექსტი დიზაინის ნაწილია
„lorem ipsum“-ით არ ვმუშაობთ. სექციის ზომას რეალური წინადადება განსაზღვრავს.
სისწრაფე დიზაინის გადაწყვეტილებაა
მძიმე საიტი ყველაზე ხშირად დიზაინის ეტაპზე იბადება: ზედმეტი სურათი, ზედმეტი შრიფტი, ზედმეტი ეფექტი. ამიტომ წონაზე თავიდანვე ვფიქრობთ.
ხელმისაწვდომობა ბაზისია
კლავიატურით ნავიგაცია, კონტრასტი და სემანტიკური კოდი ყოველ პროექტში შედის. ეს ერთდროულად უფრო სამართლიანიცაა და SEO-სთვისაც უკეთესი.
პრობლემას მაშინვე ვამბობთ
თუ ვადა იჭიმება ან რაღაც არ გამოვა, ამის მალვას აზრი არ აქვს. გვიან გაგებული პრობლემა ყოველთვის უფრო ძვირია.
ნამუშევარი კლიენტს რჩება
კოდი, დომენი და წვდომები თქვენს სახელზეა. თანამშრომლობა მაშინ უნდა გრძელდებოდეს, როცა ამას თავად ისურვებთ.
როგორ ვმუშაობთ · 4
ყოველ ეტაპზე იცით, სად ვდგავართ
- 01
გარკვევა
1 დღე
ვსაუბრობთ იმაზე, ვის ყიდით, რა აჩერებს მყიდველს და როგორ გამოიყურება წარმატება ციფრებში. თუ დავინახავთ, რომ ახალი გვერდი ამ პრობლემას არ წყვეტს, ამას პირდაპირ გეტყვით.
შედეგიშეთანხმებული მიზანი, აუდიტორია და გაზომვის კრიტერიუმი
- 02
სტრუქტურა და ტექსტი
2–5 დღე
ვაწყობთ გვერდის კარკასს: რომელი სექცია რომელ კითხვას პასუხობს და რა თანმიმდევრობით. ტექსტი აქვე იწერება, რადგან სტრუქტურა და სიტყვები ერთი გადაწყვეტილებაა.
შედეგისექციების რუკა და ტექსტის პირველი ვერსია
- 03
დიზაინი
5–10 დღე
ვქმნით ვიზუალურ ენას თქვენი ბრენდისთვის და ვაწყობთ ყველა ეკრანს, მობილურიდან დაწყებული. შუალედურ ვერსიას გაჩვენებთ, თქვენს კომენტარებს მოვისმენთ და შემდეგ დავხვეწთ.
შედეგიმზა დიზაინი ყველა ზომისთვის
- 04
დეველოპმენტი და გაშვება
5–14 დღე
ვაწყობთ სუფთა კოდზე, ვამოწმებთ სისწრაფეს, ხელმისაწვდომობასა და ბრაუზერებს.
შედეგიგაშვებული საიტი, წვდომები, მოკლე ინსტრუქცია
სტანდარტები, რომელთა გადამოწმებაც შეგიძლიათ
ეს არის პირობები, რომლებსაც ყოველ პროექტში ვიცავთ. ჩაბარებისას თითოეული მათგანის შემოწმება შეგიძლიათ.
სწრაფი საიტი პირობის ნაწილია
სისწრაფეზე ჯერ კიდევ დიზაინის ეტაპზე ვფიქრობთ: რამდენს იწონის სურათი, რამდენი შრიფტი გვჭირდება, რომელი სკრიპტი ზედმეტია. გაშვებამდე ვზომავთ და გაზომვის შედეგს გიჩვენებთ.
Core Web Vitals · მწვანე ზონა
ხელმისაწვდომობა ყველა პროექტში
სემანტიკური კოდი, კლავიატურით ნავიგაცია, საკმარისი კონტრასტი და ეკრანის წამკითხველთან თავსებადობა ბაზისურ სამუშაოში შედის. ცალკე არ ფასდება.
WCAG 2.2 AA
მობილურიდან დაწყებული
ვიწყებთ პატარა ეკრანით, რადგან ვიზიტორების უმეტესობა სწორედ იქიდან შემოდის, და შემდეგ ვზრდით დესკტოპამდე.
360px – 2560px
სრული კონტროლი თქვენთან რჩება
დომენზე, ჰოსტინგზე, განახლებებსა და გამართვაზე ჩვენ ვზრუნავთ. ნებისმიერ დროს შეგიძლიათ სრული მართვა გადაიბაროთ.
100% კონტროლი
ვადა, რომელსაც ვიცავთ
ვადას მაშინ ვასახელებთ, როცა სამუშაოს მოცულობა უკვე ნათელია. თუ რამე გვიანდება, ამას დაპირებულ თარიღამდე შეიტყობთ.
გაფრთხილება წინასწარ
ხარისხი დეტალებშია
ვქმნით სტრუქტურირებულ, მარტივად გასაგებ და მომავალში გასაფართოებელ ვებსაიტებს, რათა თქვენი პროექტი მხოლოდ დღევანდელ საჭიროებებს არ მოერგოს.
სუფთა კოდი · მასშტაბირებადი
დაიწყეთ აქედან
დავიწყოთ თქვენი პროექტი?
მოგვიყევით, რას აპირებთ. მოკლე აღწერაც საკმარისია: პასუხად მიიღებთ ჩვენს ხედვას, სავარაუდო ვადასა და ღირებულების დიაპაზონს.